Баян-Өлгий аймгийн уугуул иргэдийн утасны жагсаалтын ном хэвлэгдэн гарлаа

Улаанбаатар хот дахь Баян-Өлгий аймгийн Нутгийн зөвлөлөөс санаачлан Улаанбаатар хотод оршин суугаа аймгийн уугуул иргэдийн утасны жагсаалтын эмхэтгэл ном гаргалаа. Энэхүү номонд Улаанбаатар хотоос гадна Дархан, Эрдэнэт, Налайх, Шарын голд амьдарч буй иргэдийн утасны жагсаалтыг нэмж оруулахын зэрэгцээ Баян-Өлгий аймгийн төрийн болон төрийн бус байгууллагуудын нэн шаардлагатай албаны утасны дугаарыг багтаасан байна.

Уг эмхэтгэлийг гаргах ажлыг Улсын Их Хурлын гишүүн, Төрийн байгуулалтын байнгын хорооны дарга, Улаанбаатар хот дахь Баян-Өлгий аймгийн Нутгийн зөвлөлийн дарга  А.Бакей санаачилсан бөгөөд энэ номын өмнөх үгэнд “Улаанбаатар хот дахь Баян-Өлгий аймгийн Нутгийн зөвлөлөөс санаачлан тус хотод оршин суугаа аймгийн уугуул иргэдийн утасны жагсаалтын энэхүү эмхтгэлийг Та бүхэндээ хүргэж байна. Бид мэдээлэл технологийн эрин үед амьдарч байгаа хэдий ч хоорондоо байнгын холбоотой байж чаддаггүй билээ. Хүн бүр төрсөн нутаг усаа сэтгэлдээн тээж  явдагийн зэрэгцээ “дэм дэмэндээ, дээс эрчиндээ” гэдэг шиг бие биенээ түшин ажиллаж амьдрах нь нарт ертөнцийн жам юм. Энэхүү эмхэтгэл Та бүхний өдөр тутмын хэрэгцээ, танилын хүрээгээ өргөтгөхөд тань тус болж, холбоо харилцаатай байж ажил үйлсээ бүтээх холбогч “гүүр” байх болно гэдэгт миний бие итгэж байна. Анх удаа эмхэтгэсэн тул алдаа мадаг, дутуу дулимаг зүйл гарах аваас Та бүхэн мэргэн санаа оноогоо бидэнд ирүүлвээс гүнээ талархан хүлээн авч залруулах болно” гэж бичжээ.

Хэвлэл мэдээллийн алба

 

   

“Домборын эгшиг-2015” хүндэтгэлийн нэгдсэн тоглолт боллоо

Казах түмний их баяр цэнгэл  уламжлалт  Наурызын баяр өдөр шөнө тэнцсэн өдөр буюу гуравдугаар сарын 22-нд тохиодог билээ. Наурызын баярыг тохиолдуулан Баян-Өлгий аймгийн Нутгийн зөвлөлөөс санаачлан "Домборын эгшиг-2015" хүндэтгэлийн нэгдсэн тоглолтыг Соёлын төв өргөөнд амжилттай зохион байгууллаа. Тоглолтын нээлтэнд Монгол Улсын Ерөнхийлөгч Ц.Элбэгдорж, УИХ-ын гишүүн, Төрийн байгуулалтын байнгын хорооны дарга, Улаанбаатар хот дахь Баян-Өлгий аймгийн Нутгийн зөвлөлийн дарга А.Бакей, Нийслэлийн Засаг дарга бөгөөд Улаанбаатар хотын захирагч Э.Бат-Үүл нар оролцов. Энэ үеэр Монгол Улсын Ерөнхийлөгч Ц.Элбэгдорж өдөрлөгт оролцогчдод хандаж хэлсэн үгэндээ “Өнөөдөр уламжлалт сайхан баяр, Наурызын баяр эхэлж байна. Өдөр, шөнө тэнцэж Наурызын баяраа тэмдэглэж байна. Казах түмэн маань баяраа тэмдэглэж, уулзаж, учирч, хуучин ёс заншлаа хэлэлцэж, өвгөд хөгшдөө хүндэлж дээдлэх ёс уламжлал энэ өдрүүдэд үргэлжилдэг.

[ Унших...]

   
Баннер